Реформи за добро управување: Како да ги заслужиме „наградите“ од Планот за раст?

Во 2023 година, Европската Унија го претстави Планот за раст – нова стратешка иницијатива и алатка која има за цел да го забрза евроинтегративниот процес на државите од Западен Балкан.

Овој план, како механизам за стимулативно наградување, им нуди на државите-кандидати олеснета можност за спроведување на фундаментални реформи и забрзано исполнување на политичките, економските и правните критериуми за членство во ЕУ, познати како Копенхашки критериуми. Со овој план, Европската Унија го наметнува т.н. „регата принцип“ на проширување, што претставува основа за реформски натпревар помеѓу државите-кандидати за членство на Унијата.

По принципот „реформи за пари“, на Северна Македонија и следуваат 750 милиони евра кои се условени со навремено исполнување на предвидените реформи во разни сфери од политичкиот систем на државата. Согласно владината Реформска агенда 2024-2027, 260 милиони евра или 35% од вкупните средства на Планот, следуваат како „награда“ за реформи во клучните сфери – јавна администрација, владеење на правото и борба против корупцијата.

Со започнувањето на втората година од Реформската агенда во 2025 година, се поставуваат нови рокови за дел од предвидените реформи. Имајќи предвид дека значителен дел од мерките се меѓусебно поврзани и зависат една од друга, потребно е особено внимание при носењето одлуки.

Што треба да направат пратениците за да обезбедат континуитет и конзистентност во процесот на спроведување на преземената одговорност пред граѓаните и ЕУ?

Целосниот документ може да го најдете на следниот линк:

Реформи за добро управување: Како да ги заслужиме „наградите“ од Планот за раст?