Какви општини треба да градат идните градоначалници и советници

Периодов ни претстојат осмите локални избори од независноста на државата – моменти кои ја тестираат зрелоста на нашата демократија и зрелоста на граѓанинот да избира локални предводници кои навистина ќе служат на јавниот интерес и на локалната заедница.

Локалните избори се и тест за зрелоста и визијата на (не)партиските политички чинители да понудат конкретни решенија за секојдневните проблеми на граѓаните од 80 општини во државата.

Локалната власт е најблиската и најопиплива врска помеѓу граѓанинот и државата. Начинот на кој се управува со јавните финансии и ресурси, начинот на кој се носат политиките, начинот на кој се планира урбаниот простор и зеленило, локалниот економски развој, културниот живот, безбедноста на локално ниво и планирањето во многу други области директно влијаат врз квалитетот на животот на граѓаните во заедниците.

Доброто управување со општините не значи само точност во финансиското работење и правилно спроведување на законите, туку е и одраз на почитта што локалните функционери ја имаат кон своите сограѓани. Домаќинското раководење со единиците на локалната самоуправа претставува одговорност кон идните генерации и посветеност кон долгорочен развој на заедницата.

Прочитајте повеќе во документот:
Зајакнување на локалното управување и борбата против корупцијата. Какви општини треба да градат идните градоначалници и советници