Поттикнување дебата за отчетност и антикорупција

Главната цел на проектот е да придонесе кон реформските процеси во Северна Македонија преку зајакнување на улогата на Собранието во борбата против корупцијата и креирањето реформи во владеењето на правото.

Во пресрет на парламентарните избори во 2024 година, проектот ќе соработува со политичките партии и пратениците со цел вградување јавен дискурс заснован на факти во политичкиот дијалог и стимулирање дискусии за сеопфатни и ефективни антикорупциски заложби. Во таа насока, проектот ќе преземе активности кон рационализирање на антикорупциските препораки во изборните програми на политичките партии, застапување за вклучување на антикорупциски заложби во изборните програми, зајакнување на капацитетите на партиските подмладоци, и организирање на предизборни јавни дискусии со политичките партии со цел увид во нивните антикорупциски мерки.

Преку овозможување на дијалози за политики помеѓу политичките партии, нивните подмладоци, пратениците и граѓанското општество, проектот се стреми да оствари три специфични цели:

1. Зајакнување на антикорупциските заложби во изборните програми на политичките партии како основа за креирање реформи засновани на докази, и поттикнување на поширок косензус за приоритетите и неопходните активности за ефективно справување со корупцијата.

2. Зајакнување на капацитетите на Собранието, особено на пратениците, за активно вклучување во надзорни активности и значаен придонес кон евалуација и креирање на Националната стратегија за борба против корупцијата.

3. Мобилизирање на јавна поддршка за антикорупциски заложби засновани на докази и вршење притисок врз политичарите и функционерите за имплементирање на сеопфатни политики и мерки.

Времетраење: октомври 2023 – септември 2025

Одобрени средства: 100.500 американски долари

Донатор: Национален фонд за демократија (National Endowment for Democracy – NED)