Програма за парламентарна поддршка

јули 22, 2019
11:45 am

почетен проект, тековен

Институт за демократија „Социетас Цивилис“ – Скопје (ИДСЦС) од јуни 2019 година е дел од 10 годишната Програмата за парламентарна поддршка (ПСП), во партнерство со Национален демократски институт (НДИ) и Центар за управување со промени – ЦУП. ПСП програмата има за цел да ги поддржи реформските напори на Собранието кон посилна улога во надзорот над извршната власт, законите за повисок квалитет и поголема отвореност, транспарентност и учество на граѓаните во работата на Собранието. Во исполнувањето на оваа цел, Центарот за парламентарна поддршка (ЦПП) во рамките на ИДСЦС се залага за активно вклучување на сите општествено-политички чинители и засегнатите страни во процесот. Исто така, Центарот делува во насока на унапредување на соработката помеѓу државните и недржавните актери во Северна Македонија, како и вклучување на најважните меѓународни чинители чиј интерес е Собранието на РМ.

Главни области на работа и фокус на ИДСЦС во рамки на ПСП програмата се: 1) набљудување на квалитетот на дебата во Собранието; 2) следење на јавното мислење за работата на Собранието; 3) мониторинг на ОВП планот на Собранието; 4) менаџирање на програмата за стипендирање на персоналот на Парламентарен Институт и Собранието; 5) поддршка на реформскиот процес на Собранието; и 6) истражување и застапување за унапредување на улогата на Собранието

Цели на проектот: Подржување на реформските напори на Собранието кон посилна улога во надзорот над извршната власт, законите за повисок квалитет и поголема отвореност, транспарентност и учество на граѓаните во работата на Собранието.

Времетраење на проектот: јуни 2019 – декември 2023 (прва фаза)

Донатор: Швајцарска агенција за развој и соработка (СДЦ)/Амбасада на Швајцарија во Северна Македонија

Партнери: Национален демократски институт (НДИ) и Центар за управување со промени – ЦУП