ПОВИК ЗА ШВАЈЦАРСКА СТИПЕНДИСКА ПРОГРАМА ЗА ВРАБОТЕНИ ВО СОБРАНИЕ НА РЕПУБЛИКА СЕВЕРНА МАКЕДОНИЈА

Отворен е повик за аплицирање за Швајцарската стипендиска програма за професионално усовршување, наменета за вработените во Собранието, вработени позајмени на Собранието од други институции, кои имаат интерес за професионално усовршување и развој, односно интерес за посета на обука или курс. 

На овој повик, со можност за аплицирање се стекнуваат вработените и позајмените вработени кои имаат интерес за запишување на курс што опфаќа информатички алатки и алатки базирани на вештачка интелигенција, кои директно ќе придонесат кон подобра и поефикасна работа на Собранието.  Програмата за доделување стипендии за професионално усовршување се реализира во рамките на Програмата за парламентарна поддршка (ПСП) и е администрирана од Институт за демократија “Социетас Цивилис” – Скопје (ИДСЦС)..

За отворениот повик во февруари 2026 година, сите вработени од Собранието имаат можност да аплицираат за курс спроведен од едукативниот ценар „Семос“ кој опфаќа совладување на алатката Microsoft 365 Copilot. Овој курс ги насочува корисниците да ги научат вообичаените текови на кориснички инструкции во апликациите на Microsoft 365, вклучително PowerPoint, Word, Excel, Teams и Outlook. Исто така ја опфаќа  алатката Microsoft 365 Copilot Chat и ја објаснува разликата помеѓу податоци засновани на работна околина и податоци засновани на веб. Курсот е планиран да се реализира во онлајн формат. За формирање на група составена исклучиво од собраниски службеници, потребни се минимум 15 учесници. Во спротивно, учесниците ќе бидат пренасочени кон редовните групи кои веќе се организирани. Обуката опфаќа 8 модули и е предвидено да се спроведе во период од 4 недели, при што динамиката на одржување на предавањата ќе се утврди по формирањето на групата. Сите дополнителни информации за курсот се достапни во Анекс 2, во кој е приложена официјалната понуда доставена од едукативниот центар „Семос“. 

Кандидатите имаат можност да се пријават за учество во обуките што ќе бидат понудени во рамките на програмата. Доколку кандидатот аплицира за курс или обука што не е опфатена со понудите од конкретниот отворен повик, Комисијата за селекција ќе ја разгледа пријавата и ќе утврди дали е соодветна и дали може да се покрие во рамки на расположливиот буџет. Во случај на конкуренција меѓу пријава за курс понуден од програмата и пријава за лично одбран курс или обука, приоритет ќе имаат пријавите за курсевите понудени од програмата. 

Ги повикуваме заинтересираните вработени во Собранието на Република Северна Македонија, кои ги исполнуваат условите, да аплицираат на повикот.

Деталите за стипендијата, начинот на спроведување и постапката за аплицирање можете да ги најдете во програмата прикачена во прилог.

Апликацијата и сите документи од кои се состои потребно е да ја испратите на адресата на следните адреси: contact@idscs.org.mk  и joana@idscs.org.mk  со назнака Апликација за Швајцарска стипендиска програма, не подоцна од 15 март (недела) 23:59ч.

Нецелосните и апликациите доставени по крајниот рок нема да бидат земени предвид. Доколку имате потреба од дополнителни информации, ве молам контактирајте не на joana@idscs.org.mk.

Доколку сте вработен/а во Собранието на Република Северна Македонија и сакате да аплицирате за стипендија за обука или курс, превземете ги следните документи:

Апликација за професионален развој

Курс за изучување на ВИ алатка Microsoft 365 Copilot Chat спроведен од Семос

Повик