VËSHTRIM I KUVENDIT: PERCEPTIMI I QYTETARËVE PËR PUNËN E KUVENDIT TË REPUBLIKËS SË MAQEDONISË SË VERIUT (2026)

Sondazhi i kryer në vitin 2026 tregon se perceptimi i qytetarëve për punën e Kuvendit shënon një hap të lehtë pozitiv në krahasim me tre vitet e fundit. Kënaqësia me punën e Kuvendit vlerësohet me një rezultat mesatar prej 2.7 (në shkallën 1 – më keq deri në 5 – më mirë), që është vazhdimësi e trendit pozitiv të rritjes të vërejtur në tre vitet e fundit, por është ende nën rezultatin mesatar.  

• INFORMIMI PËR PUNËN E KUVENDIT 

Temat më të paharrueshme nga puna e Kuvendit për vitin e kaluar janë debati mbikëqyrës në Komisionin e Përhershëm Anketues për Mbrojtjen e të Drejtave dhe Lirive të Njeriut dhe çështjet buxhetore, që tregon se këto tema kishin shikueshmërinë më të madhe te publiku. Qytetarët ende informohen më shpesh përmes stacioneve televizive private, por me një trend në rënie në kurriz të internetit dhe rrjeteve sociale, veçanërisht në mesin e brezave të rinj. 

•  KONTROLLI DHE MBIKËQYRJA E KUVENDIT MBI PUSHTETIN EKZEKUTIV 

Te qytetarët mbizotëron perceptimi se Qeveria ka më shumë ndikim mbi Kuvendin sesa që Kuvendi ka kontroll efektiv mbi pushtetin ekzekutiv. Monitorimi i pyetjeve të deputetëve është i kufizuar, por te qytetarët që ndjekin këto seanca dominon pikëpamja se ato kanë rëndësi për mbikëqyrje mbi ministritë, sigurimin e llogaridhënies dhe informimin e publikut. 

• PUBLIKU NË PUNËN E KUVENDIT 

Përceptimet e qytetarëve për publikun në punën e Kuvendit tregojnë për një hapje të kufizuar, nivel të ulët të komunikimit të drejtpërdrejtë me deputetët dhe vetëdije të pamjaftueshme për mekanizmat ekzistues për pjesëmarrje. 

• KË PËRFAQËSOJNË DEPUTETËT NË KUVEND 

Ekziston një perceptim i vazhdueshëm se deputetët kryesisht përfaqësojnë interesat e tyre personale dhe interesat e qarqeve partiake, ndërsa interesat e qytetarëve ngelin në margjina. Deputetët perceptohen si jo mjaft aktivë në avokimin e çështjeve lokale ose personale me interes për qytetarët.  

• DEBATI PARLAMENTAR 

Qytetarët perceptojnë se konfrontimi mbizotëron në debatet parlamentare në vend të bashkëpunimit midis qeverisë dhe opozitës. Ekziston një përqindje e vogël e të anketuarve që besojnë se argumentet e kampit të kundërt merren parasysh, ndërkaq ekziston gjithashtu një perceptim se gatishmëria për kompromis midis palëve është e kufizuar, veçanërisht midis maqedonasve etnikë. 

• REFORMA 

Qytetarët në një masë të konsiderueshme e mbështesin idenë për formimin e grupeve shumë-partiake në Kuvend, veçanërisht për çështje që lidhen me të rinjtë, anti-korrupsionin, të papunët, personat me aftësi të kufizuara dhe prindërit vetë ushqyes. 

• KONTEKSTI POLITIK DHE BESIMI NË INSTITUCIONET 

Megjithëse qytetarët shohin një përmirësim të lehtë në perceptimin e drejtimit në të cilin po lëviz vendi, kënaqësia e pamjaftueshme vazhdon të mbizotërojë ndërsa besimi në institucione mbetet i moderuar. 

VËSHTRIM I KUVENDIT: PERCEPTIMI I QYTETARËVE PËR PUNËN E KUVENDIT TË REPUBLIKËS SË MAQEDONISË SË VERIUT (2026)

Ky publikim është përpiluar në kuadër të Programit për Mbështetje Parlamentare (PMP), projekt i Qeverisë së Zvicrës nën patronazhin e Kuvendit të Republikës së Maqedonisë së Veriut. PMP zbatohet nga Instituti Kombëtar Demokratik (NDI), Instituti për Demokraci “Societas Civilis”- Shkup (IDSCS) dhe Qendra për Menaxhim me Ndryshime (QMN). Opinionet, pikëpamjet dhe përmbajtja e shprehur nuk pasqyrojnë pikëpamjet e projektit, donatorit dhe zbatuesit.