Партиските подмладоци и развојот на антикорупциските политики: Клучни иницијатори или периферни актери?

Улогата на партиските подмладоци и нивната застепност во највисоките органи на политичките партии претставува клучен индикатор за развојот на демократските процеси и зајакнувањето на политичката култура во државата. Членовите на партиските подмладоци не само што функционираат како кадровска резерва и катализатор на свежи идеи во партиското работење туку имаат и потенцијал, преку својата проактивност, активно да заговараат и промовираат отчетност, транспарентност и антикорупциски практики во партиските структури, но и на политичката сцена во целина.

Документот ја истражува застапеноста на подмладоците во формалните партиски органи, личната мотивација за борба против корупција, способноста да прибираат и канализираат потреби, проблеми и свежи иницијативи од трети страни, нивната улога во подготовката на изборните кампањи и програми за минатите парламентарни избори, како и нивната перцепција за интерпартиска соработка во областа на борбата против корупција.

Субјект на оваа анализа се подмладоците на двете најголеми политички партии во Северна Македонија: Унијата на млади сили (УМС) при ВМРО-ДПМНЕ и Социјалдемократската младина на Македонија (СДММ) од СДСМ.

Анализата ги разгледува нивната застапеност во формалните партиски органи, личната мотивација за борба против корупција, способноста за прибирање и канализирање иницијативи од граѓаните, улогата во подготовката на изборните програми и кампањи, како и перцепцијата за интерпартиска соработка во борбата против корупција.

Прочитајте повеќе во документот:
Партиските подмладоци и развојот на антикорупциските политики: Клучни иницијатори или периферни актери?