Како до подобро управување на локално ниво?

Честопати се вели дека секоја политика е локална. Овој израз различно се интерпретира. Некогаш го искажува кариерниот пат на политичарите кој почнува од локалната власт и продолжува на национална или меѓународна сцена. Меѓутоа, во него се крие и една друга димензија – граѓаните ги чувствуваат ефектите од добрата или лошата политика во нивниот секојдневен живот, кој е уреден од успехот или неуспехот и на локалната власт.

Собранието може да ги донесе најдобрите закони, но доколку стандардите кои тие ги пропишуваат, или политиките кои од нив произлегуваат нема кој да ги спроведе на терен, онаму каде луѓето живеат – граѓаните ќе живеат полошо. Но иако ефикасноста и доброто управување на национално ниво е одлучувачки фактор, бидејќи сите успеси и неуспеси на централната власт неодминливо се прелеваат надолу, тоа не треба да значи дека интересот за доброто управување на локално ниво треба да е помал.

Не случајно огромен дел од доменот на заедничкото живеење на човекот е надлежност и на локалната самоуправа. Урбаното планирање, образованието, локалниот економски развој, културниот живот и заштита и спасувањето се значаен дел од областите каде локалната самоуправа мора да обезбеди стандарди за современ, здрав и квалитетен живот на населението.

Токму поради тоа, а во очи на локалните избори во 2025 година, ИДСЦС подготви преглед на позначајните наоди и препораки кои граѓанскиот сектор ги изработил во изминатите години. Овој преглед е наменет за сите оние кои во овој период ја подготвуваат својата понуда пред гласачите. Во него ќе најдете препораки за најзначајните области од надлежност на локалната власт.

Прочитајте повеќе:
Документ за унапредување на доброто управување преку изборните програми на локалните избори 2025