Tragjedia në klubin e natës “Puls” në Koçan nuk ishte aksident dhe as pasojë e një dështimi institucional. Paraqiste kulmin e dështimeve sistematike të grumbulluara ndër dekada: boshllëqe ligjore të parregulluara, zbatim të paqëndrueshëm të ligjeve dhe një kulturë të rrënjosur thellë të papërgjegjshmërisë dhe pandëshkueshmërisë. Ky ishte pikërisht konkluzioni i institucioneve dhe qytetarëve në tryezën e rrumbullakët “Çfarë duhet të bëjmë për të parandaluar që një tragjedi e tillë të ndodhë përsëri?” të cilën IDSCS e organizoi me rastin e një viti nga tragjedia në Koçan.
Tragjedia hapi një debat thelbësor në opinionin publik: si ka mundur që një objekt, i cili nuk i plotësonte standardet elementare të sigurisë, të pajisej me leje pune, të funksiononte për më shumë se një dekadë dhe të priste mijëra vizitorë, pa u vënë asnjëherë në pikëpyetje veprimtaria e tij nga ndonjë institucion apo qytetar.
Në përpjekje për të identifikuar dobësitë sistematike, Komisioni Shtetëror për Parandalimin e Korrupsionit (KSHPK) menjëherë pas tragjedisë kreu një rishikim antikorrupsion të ligjeve dhe rregulloreve që rregullojnë procedurat në lidhje me lëshimin e miratimeve dhe licencave për punë, si dhe në kuadër të kornizës për mbikëqyrjen e tyre.
Një nga faktorët kryesorë normativë që mundësuan ndodhjen e tragjedisë në „Puls“ ishte pikërisht Ligji për veprimtarinë hoteliere. Në analizë, Komisioni thekson se ligji përmban rreziqe serioze rregullatore që krijojnë hapësirë për praktika korruptive. Këto burojnë nga procedura të rregulluara në mënyrë të paqartë dhe jo të plotë, mospërputhja me ligjet e tjera sistemore, mungesa e mekanizmave të kontrollit, si dhe mundësia që kushtet të deklarohen si të përmbushura pa u verifikuar faktikisht nga organi kompetent.
Lexoni dokumentin e plotë më poshtë:
Procedurat më të shpejta nuk nënkuptojnë objekte hotelierike më të sigurta: Ndryshimet në ligjin për hotelieri paraqesin digjitalizimin, por jo reformën thelbësore
Ky dokument për politika publike është pjesë e projektit “Nxitja e debatit mbi llogaridhënien dhe anti-korrupsionin“, i cili synon të kontribuojë në proceset e reformave në Maqedoninë e Veriut duke forcuar rolin e Kuvendit në luftën kundër korrupsionit dhe krijimin e reformave në sundimin e ligjit, duke mundësuar dialogun midis partive dhe të rinjve, si dhe midis deputetëve dhe shoqërisë civile. Projekti është mbështetur nga Fondi Kombëtar për Demokraci.
Настани поврзани со проектот
