Главната цел на проектот е да се истражат и визуелизираат институционалните и структурните фактори што придонесуваат за отпорноста на владеењето на правото во земјите кандидати за пристапување во ЕУ од Западен Балкан и Источна Европа, со фокус на компаративна анализа.
Проектот користи интердисциплинарен пристап, интегрирајќи политички науки, право, историја и европски студии за мониторинг и развивање на моделот RESILIO-ACCESS. Клучната амбиција на проектот е да се процени и зајакне отпорноста на владеењето на правото во овие региони, базирајќи се на академска литература и институционални практики. Планот за работа на проектот се заснова на неколку специфични цели:
- Развивање и примена на моделот RESILIO-ACCESS за проценка на отпорноста на владеењето на правото во земјите-кандидати за ЕУ.
- Создавање мрежа од млади академци и експерти од политички науки, право, историја и европски студии за придонес во истражување и дисеминација на резултати.
- Мапирање и евалуација на алатките за проширување на ЕУ во однос на владеењето на правото, со фокус на Западен Балкан и Источното соседство.
- Зајакнување на отпорноста на граѓанското општество преку организирање на два форуми на граѓанското општество (CSFs) за споделување најдобри практики, размена на обуки и дискусија за подобрување на алатките за проширување на ЕУ од перспектива на локалното граѓанско општество.
- Создавање платформа за мрежно поврзување и соработка меѓу граѓански организации од земјите-кандидати, Берлин и Брисел.
- Стратешка комуникација на истражувачките резултати со креаторите на политики, администраторите и други засегнати страни преку кориснички визуелен алат, сеопфатен извештај и политички документ со практични препораки.
- Презентирање на резултатите и вклучување на засегнати страни преку завршна конференција во Брисел со експерти за владеење на правото, носители на одлуки од ЕУ и претставници од земјите-кандидати.
ИДСЦС ќе даде активен придонес во извршувањето на проектот, соработувајќи со локални и меѓународни експерти и засегнати страни, како и координирање на виртуелни работилници, настани и активности за дисеминација.
Времетраење: 01.01.2025 – 31.12.2026
Буџет: 83.400,00 ЕУР
