Извештај од набљудување на акциските планови на Заеднички регионален пазар: област дигитализација – Зелена агенда: област декарбонизација (3)

Новиот извештај на Институтот за демократија нуди прецизен преглед на тоа колку земјата напредува во исполнувањето на своите обврски во рамки на Акцискиот план за Заеднички регионален пазар и Зелената агенда за Западен Балкан, со фокус на областите дигитализација и декарбонизација.

Клучни наоди од извештајот:

Дигитализација

• 99,48% од населението има пристап до фиксна широкопојасна мрежа, но ултра-брзиот интернет и 5G сè уште не се развиени.
• Недостасува акциски план за дигитално образование, иако ИКТ стратегијата (2023–2028) ги предвидува дигиталните вештини како приоритет.
• Роаминг цените меѓу ЕУ и Западен Балкан ќе се намалуваат до 2027, со цел приближување до домашните тарифи.

Декарбонизација

• Зависноста од јаглен сè уште е пречка, и покрај засилените инвестиции во сончева и ветерна енергија.
• Националниот план за енергија и клима е усвоен, но имплементацијата на реформите е бавна и нецелосна.
• Имплементацијата на директивите за енергетска ефикасност на зградите е во тек, но нецелосно усогласена со стандардите на ЕУ.

Прочитајте повеќе: Извештај од набљудување на акциските планови на Заеднички регионален пазар: област дигитализација – Зелена агенда: област декарбонизација