Адресирање на тековите на корозивниот капитал

Име на проект: Адресирање на тековите на корозивниот капитал

Донатор:  Центар за меѓународно приватно претпријатие (CIPE)

Времетраење: јули 2019 – септември 2020

Буџет: $32.517

Партнери: Центар за меѓународни и безбедносни работи – ISAC Фонд (Србија), Центар за меѓународна политика (Европски Западен Балкан) (Србија), Центар за граѓански иницијативи (Босна и Херцеговина) и Центар за демократска транзиција (Црна Гора)

Опис:

Целите на овој проект се 1) да ја зајакне улогата на иницијативи од приватниот сектор кои ги подобруваат локалните решенија за економските и предизвиците поврзани со владеењето и 2) да го подобри владеењето кое почива на либерално-демократски и пазарно-ориентирани  начека и институции во авторитарните држави и новите демократии. Студиите на случај во Северна Македонија се делниците Миладиновци-Штип и Кичево-Охрид, чија изградба е финансирана од заем од Кинеската банка за извоз и увоз, а предводена од кинеската компанија Синохидро Корпорејшн Лимитед. Проектните активности вклучуваат стратешко планирање, идентификување и анализа на високоризични текови на надворешен капитал и јазови во владеењето, тркалези маси со приватниот сектор за документи за политики, средби со носителите на јавни функции за документите за политики и тркалезни маси за јавни политики и други видови на локална промоција на документите за политики.

Продолжување на проектот: јуни 2021 – јули 2022

Буџет: $48,855

Опис: Целта на проектот е да воспостави коалиции во приватниот сектор кои ќе поттикуваат локални решенија и ќе креираат препораки за справување со економските и владините предизвици за неутрализирање на корозивен капитал кој навлегува на пазарот.

Во рамки на проектот, ИДСЦС и ЦИПЕ ќе го фасилитираат формирање на работна група составена од претставници на граѓанското општество, членови на бизнис заедницата и државни институции. Врз основа на оваа воспоставена комуникација членовите на работната група во соработка со ИДСЦС ќе изработат неколку анализи со кои ќе истражуваат за бенефитите од влез на конструктивен капитал, ќе ги идентификуваат приоритетите на националната бизнис заедницата за вклучување на национални компании во Европските синџири на производство и ќе ја анализираат моменталната национална легислатива за влез на странски инвестиции и усогласувањето на истата со легислативата на Европска Унија.

Преку кампања за промоција овие анализи и препораките од работната група ќе бидат искористени за информирање на јавноста, државните институции и медиумите. Анализите од работната група ќе бидат дисеминирани на работилници во Германија и на финална конференција организирана од страна на ЦИПЕ во еден од главните градови на земјите од Западен Балкан.