ИДСЦС е еден од партнерите на Македонскиот центар за меѓународна соработка во имплементација на Програмата за борба против корупција финансирана од USAID. Целејќи кон Македонија ослободена од корупција, програмата вклучува активности и проекти насочени кон зголемена информираност и знаења на граѓанските организации и граѓаните за барање повеќе отчетност кај институциите како и придонесување кон нивен повисок интегритет. Заедно со ИДСЦС, партнери на МЦМС се Асоцијацијата за демократски иницијативи од Гостивар и Транспарентност Македонија. Имплементацијата на проектот започна на 1.јануари 2013. година и ќе се имплементира до 30.септември 2016. година. Вкупниот буџет изнесува 32.370.000 денари.
Покрај многуте активности, ИДСЦС директно ги имплементира следниве активности:
- Изработка на проценка на ризици од корупција со четири институции во областите здравство и образование
- Обука на студенти и млади новинари за теоретските аспекти на корупцијата како и за истражувачки алатки за новинарите
- Поттикнување на студенти и млади новинари за изработка на истражувачки стории за корупција
- Доделување награда за најдобра истражувачка сторија
- Планирање и воспоставување на платформа на граѓански организации за борба против корупција.