Институтот за демократија „Социетас Цивилис“ – Скопје (ИДСЦС), со поддршка на Амбасадата на Франција во Северна Македонија и Expertise France, во рамки на „Деновите на правото“ 2026, на 28 октомври, 2026 година одржа работилница за членовите на Работната група што го изработува новиот Кривичен законик. Темата беше „Директивата (ЕУ) 2026/1021 за борба против корупцијата: јазови во усогласеноста и можности за новиот Кривичен законик“.
Експертите Анета Арнаудовска, Винсент Филол, Миша Поповиќ и Марија Мирчевска ги претставија барањата на Директивата. Тие ги споделија и наодите од компаративната анализа на ИДСЦС, која го опфаќа законодавството на земјите од Западен Балкан. Разговорот се фокусираше на кривичните дела и нивните дефиниции, санкциите, застареноста и спроведувањето.
Државите треба да ја транспонираат Директивата до 2028 година. ИДСЦС ќе ѝ ги стави наодите од анализата на располагање на Работната група како поддршка во натамошната работа на текстот на Законикот.
