Институтот за демократија „Социетас цивилис“ – Скопје (ИДСЦС) и Фондацијата Конрад Аденауер (КАС) со задоволство ви го претставуваат дополнетото издание на Прирачникот за претседателските избори во Република Северна Македонија 2024 година.
Во ова издание се вклучени и резултатите од изборите, детална анализа на кампањата и целокупниот изборен процес. Прирачникот нуди сеопфатен преглед на претседателските избори, историјата на изборите во земјата, изборниот систем, како и клучните учесници.
Дополнетото издание е достапно на македонски, албански и англиски јазик, и може бесплатно да се преземе од следните линкови:
- Прирачник за претседателски избори во Република Северна Македонија 2024 година – второ дополнето издание
- Doracak për zgjedhjet presidenciale në Republikën e Maqedonisë së Veriut 2024 – Botimi i dytë i plotësuar
- Handbook on 2024 Presidential Elections in North Macedonia – Second updated edition
Покрај ова, сите документи поврзани со изборните процеси од независноста на земјава до денес се достапни на веб-страницата Изборна архива, која претставува заеднички проект на ИДСЦС и КАС.
Прирачникот е наменет за сите заинтересирани за изборниот процес, како и за оние кои директно учествуваат во него.