Институтот за демократија организираше настан кој се фокусираше на системските пропусти поврзани со изградбата на автопатиштата од коридорите 8и 10д од страна на конзорциумот Бехтел и Енка.
На настанот се констатираше дека на целата постапка и недостасуваат детални и длабински проверки на субјектите кои конкурираат на јавните тендери. Таквите проверки се пропуштени во овој случај и покрај тоа што се работи за тендери од милионски суми. Сепак, со заобиколувањето на процесот на процена на влијанието на регулативата пропуштено е спроведување на структуриран процес на консултации со најразличните засегнати страни при подготовката на законското решение. Со тоа е прекршен и Деловникот за работа на Владата.
Потребен е поголем притисок за употреба на заштитните механизми за кои недостасува имплементација, со цел да се превенира експлоатацијата на процедуралните слабости и креирање специјални закони или измена на закони кои даваат определена привилегија при што се избегнува потенцијална кривична одговорност во иднина.
Погледнете го краткиот документ од настанот ,,Интегритет на носење одлуки: системски пропусти во случајот Бехтел Енка“ во прилог:
Интегритет на носење одлуки: системски пропусти во случајот Бехтел Енка