logo

ИДСЦС разговараше со засегнати страни за вложување заеднички напори во борбата против корупцијата

Share on facebook
Share on twitter

Институт за демократија во рамки на проектот „Антикорупциски разговори во Парламентот“ одржа неколку средби со претставници на Државниот завод за ревизија, Инспекцискиот совет, Комисијата за заштита на конкуренцијата, Државната комисија за спречување на корупцијата и членовите на собраниската комисија за политички систем и односи меѓу заедниците.

Учесниците дискутираа за можностите за зајакнување на институционалните капацитети и подобрување на регулаторната околина на нивното дејствување, потребните инвестиции во борбата против корупцијата, како и подобрување на меѓусебната координација со цел обезбедување на заеднички пристап во борбата против корупцијата.

Проектот „Антикорупциски разговори во Парламентот“ е поддржан од Националниот фонд за демократија и цели кон зајакнување на надзорната улога на Собранието во борбата против корупцијата и владеењето на правото, а за остварувањето на оваа цел предвидена e соработка и консултација со сите релевантни чинители како би се вложиле заеднички напори и заложби за обезбедување ефикасен систем за борба против корупција.

Поврзани објави