Фондацијата Конрад Аденауер и Институтот за демократија “Societas Civilis” организираат конференција на тема “Избори и политички партии: Локални избори во Република Македонија 2013 година – осврт и препораки” во хотел Stone Bridge во Скопје на 25 Aприл во 10.00 часот.
Носители на високи функции и експерти од областа на изборното законодавство и изборните процеси ќе ги дадат своите видувања на неодамна организираните локални избори во земјава но и ќе дискутираат за идните предизвици и перспективи на Република Македонија на ова поле. Воедно настанот ќе биде можност за претставување на 41. број на нашето политичко списание “Политичка Мисла”, кое е посветено токму на оваа тема и за претставување на второто издание на online публикацијата “Прирачник за локални избори во Република Македонија 2013 година”. Првото издание на online публикацијата може бесплатно да се превземе од следниве линкови:
http://www.kas.de/mazedonien/en/publications/33811/ издание на македонски јазик
http://www.kas.de/mazedonien/en/publications/33812/ издание на албански јазик
http://www.kas.de/mazedonien/en/publications/33810/ издание на англиски јазик
Во прилог кон овој е-маил Ви ја испраќаме и програмата за овој настан.
Навистина ќе ни претставува задоволство доколку ја прифатите поканата и земете активно учество на настанот.
Со почит,