Партиските подмладоци се особено важен фактор за унапредување на демократијата. Тие играат клучна улога во обезбедувањето на одржливоста и стабилноста на политичките партии и се изворот на идните генерации на лидери кои ќе ја водат државата. Подмладоците се поставени со цел да ги претставуваат интересите на младите, кои се значаен дел од популацијата и гласачкото тело, но и да го поттикнат нивното политичкото учество. Оттука, нивната вклученост во процесите на креирање политики во партиите, меѓу кои централното место го зазема подготовката на изборните програми, е особено важна за демократијата во целост. Суштинската вклученост на младите во овие процеси придонесува кон градење на капацитетите на идните кадри, креирање информирани политики, но и обезбедување инклузивност и поширок консензус за решавање на приоритетните проблеми во општеството, како што е борбата против корупцијата.
Овој краток документ за јавни политики има цел да го анализира учеството на подмладоците на три политички партии: ВМРО-ДПМНЕ, СДСМ и Алтернатива во креирањето политики и изборни програми, со фокус на антикорупциските политики.
Целиот документ може да го прочитате тука:
Парламентарни избори: Учеството на подмладоците во креирањето антикорупциски политики