rsz imgp3962

На 11 април 2014 (петок) претставници на Институтот за демократија СОЦИЕТАС ЦИВИЛИС Скопје (ИДСЦС) одржаa предавање насловено „Македонски претседателски избори 2014“ за претставниците на набљудувачката изборна мисија на СИЛБА – Иницијатива за поддршка на слобода и демократија (SILBA – Support Initiative for Liberty and Democracy). Во рамки на предавањето, надбљудувачите од СИЛБА имаа можност да се запознаат со македонската политика и политички систем, спецификите на претседателските избори, кандидатите и нивните платформи, како и историјатот на претходните изборни циклуси за претседател.

rsz imgp3960

Набљудувачката мисија на СИЛБА ја сочинуваат 16 странски набљудувачи и дополнителен број на набљудувачи од Македонија. СИЛБА го набљудуваше првиот круг на претседателските избори кој се оддржа на 13 април 2014 година, а во текот на нивната посета остварија и повеќе средби со претставници на македонскиот граѓански сектор. СИЛБА е данска младинска граѓанска организација која работи на прашања од демократија и слобода во Источна, Централна Европа, Балканот и Кавказот (http://www.silba.dk). Организацијата редовно организира свои изборни набљудувачки мисии во земјите од споменатите региони.